Psa 61 | NdeIBE | STEP | Kumqondisi wokuhlabela. Kutshaywa iziginci. ElikaDavida. Zwana ukukhala kwami, O Nkulunkulu; lalela umkhuleko wami.

Psalms 61

1 Zwana ukukhala kwami, O Nkulunkulu; lalela umkhuleko wami.

2 Ngisemkhawulweni womhlaba ngiyakubiza, ngiyabiza lapho inhliziyo yami isiphela amandla; ngikhokhelela edwaleni eliphakeme kulami.

3 Ngokuba ube uyisiphephelo sami, inqaba eqinileyo evikela esitheni.

4 Ngiyalangazelela ukuhlala ethenteni lakho laphakade ngizifihle emthunzini wamaphiko akho.

5 Phela usuzizwile izifungo zami, O Nkulunkulu; usungiphile ilifa lalabo abalesabayo ibizo lakho.

6 Yandisa izinsuku zempilo yenkosi, iminyaka yayo okwezizukulwane ezinengi.

7 Sengathi ingaba sesihlalweni iphambi kukaNkulunkulu nini lanini; wabele uthando lwakho lokuthembeka kwakho kuyivikele.

8 Lapho-ke ngizahlala ngihlabelela indumiso ebizweni lakho ngigcwalise izifungo zami insuku ngensuku.